ஸ்ரீ ஜ்வாலாமாலினி அம்மன்
திருஅகவல்
திருமிகு தேமலர்த் திசைதொரும்
வாசந்
தருகின்ற பிண்டித்தருநிழற் செய்ய
மந்தமாருதமும் வண்மையாய் வீசக்
கொந்தவலரசைந்து கொட்டிடத் தேன்மழை
யெங்கும் பரவ யின்பமுற்றவரெலாம்
புங்கவன்றன்னைப் புகழ்கின்ற
வொலிபோல்
வண்டினமலரின் மதுவுண்டு கீதங்
கொண்டுமே பாடக் கோகிலந்தொனிக்கப்
பன்மணிக்கவிரினாற் பாலுனுமசைய
பொன்மலர் மாரி பொழிந்துமே தேவர்
ஜெயஜெயாவென்று திருநாமம் பாடி
நயலயானந்த நடனங்களாடி
ஆனந்தம் பொங்கி யடிமுடி வில்லாத
ஆனந்தனென்று அவரவர் பணிய
சிங்கவணைமேற் செந்தா மரைமிசை
திங்கண் முக்குடை சீருடனிழற்ற
திக்குடையாகச் சிறப்புடனமர்ந்த
மிக்கநல்வரதன் விளங்குமெண்குணனை
பன்னிருகணமும் பரிவேடம்போலத்
துன்னியே சூழச் சுந்தரமூர்த்தி
திருவாய்மலர்ந்து திருவறமருளிய
நிருமலானந்த நித்தியனானஸ்ரீ
சந்திரநாதன் றாள்பணிந்தென்றுஞ்
சிந்தனை செய்யும் ஸ்ரீசாமயக்ஷன்
தேவியே வுன்மேல் செந்தமிழ் தன்னால்
மேவியவிகவல் விளம்புவன் யானே
சீதளமிகுந்த செழுமதிமுகமுங்
காதளவோடிய கயல்விழியிணையும்
வில்லை நிகர்த்து விளங்கும்
புருவமும்
முல்லை முகைபோல் முறுவல் வரிசையுந்
திருக்கிளர் பவளஞ் சிறந்தவதரமுந்
தருப்பணம் போன்ற தகைபெறு கன்னமும்
ஆம்பன்மலர்போலழகிய வாயுந்
தேம்படுகனிபோற் றிருவளர்மொழியும்
வள்ளையதுபோல் வணிதச்செவிகளும்
வெள்ளையெண்மலர்போல் விளங்குநாசியும்
முரிவளரும் முன்றாம்பிறபோற்
சீருமிகுந்த சிறந்த நெற்றியுந்
திருவளைபோலச் சிறந்தநற்கழுத்துங்
கமலநனை போற் கதித்த தனங்களும்
விமலமாகிய மின்னல் போலிடையும்
வேய்தனையொத்து விளங்கும் புயங்களும்
வாய்ந்த வழகு வண்மையாய்ச் சிறந்த
காந்தணமலர்போற் கரங்களினழகும்
ஏந்துங் கொங்கைக்கிசைந்த கச்சும்
பொன்னினாடையும் பொற்புள காஞ்சியும்
மின்னுமிடையில் விளங்குமொட்டியாணமும்
செந்தாமரைபோற் சிவந்தவடிகளில்
நந்தாதெழில்மிகு நவமணிப் பாடகமுந்
தண்டை கொலிசுஞ் சதங்கை நூபுரமும்
எண்டிசை கொண்ட விறைவியேயுந்ததனைச்
சொல்வதுபோலச் சுந்தரவாயால்
கல்கலீரென்றிரு காலதனிலொலிக்க
கரமிருநாகினுங் கனகனற்சூடா
திரமுகு நவ்வமணிதிகழ்கங் கணமுங்
கனகனற்குண்டுங் கதிர்செய் பவளமும்
இனமாயமைந்த வெழிலென்ன சொல்வேன்
மாந்தளிர் போன்றவணித விரல்களில்
சேர்ந்தயினமணி சிறந்த மோதிரமும்
பாசுபந்துடன் பசியநற்குச்சுந்
தேசுமிகுந்த திறந்தவங்கியும்
சோதிவீசுநற் றோளணியழகுந்
தீதிலா துயர்ந்த திருமுத்தாரமுஞ்
சுந்தரநவமணி சோதிப் பதக்கமுஞ்
சந்திரஹாரஞ் சரட்டட்டிகை டீக்கா
வயிரமணியும் வளர்திருப்பொட்டுஞ்
செயிரததினமாலை சிவந்தியட்டிகையுங்
கோதும்பச்சரமுந் குளிர்ந்தநன்மலர்
தாதுசெந்தேனுதிர் தாமமர் பழகுந்
திருவளரோலையுஞ் சிறந்தசிமிக்கியும்
பருதியொளிபோற் பகர்சந்திரமுருகும்
ஒன்னப்புசுட்டியு முயர்ந்தவாளியில்
மின்னுசிமிக்கியும் வெண்முத்துமிலங்க
முத்துமயிர் மாட்டி முகப்பினதழகும்
நத்துடன் பிலாக்கு நன்மணியொளிர
நெற்றியிற்றிலகமும் நேர்மதிப்பிறையும்
பத்திநிறைமணி பானுவின் பிறையும்
வாவுசுட்டியும் வணிதமணிவொளி
மேவுபான் பட்டியும் விளங்கிடும்
பின்னற்
சடைநகைக்குச்சுந் தங்கநற்குப்பியுந்
திடமணித்தாழம்பு திருராக்குடியுங்
கோடிசூரியன் கொண்ட வொளிபோல்
ஈடில்நவமணி மிசைந்த கீரீடமும்
எல்லாநகையு மியல்பாய்நிறைந்த
சொல்லையுடைய ஜ்வாலினியம்மா
சக்கரஞ்சூலந் தனுசுடன் கணையும்
மிக்கநற்றுஜமும் வீசும்பாசமும்
வண்மையாய்ச்சிவந்த மாதுளங்கனியும்
தன்மையாய்க்கொண்டு ஸஜ்ஜனாள்தனக்கு
அபயந்தருநல் லஸ்தமும்விளங்க
சுபகரமளிக்குஞ் சுந்தரபூஷிணி
ஜினவரமோங்கத் திகழ்பரிபாலினி
அனவர்கள் போற்று மம்புயபத்தினி
திங்கண்மும்மாரி செறிந்துபொழிந்து
எங்குமேசெந்நே லினிதாய்விளைந்து
பொங்கியதிருவற புகழேநிறைந்து
தங்கியதிலக்குமி சகலரும்நிறைந்த
இராஜமாபுரியிலெழில்மல்லிநாதன்
புராதனமாய்மிகப் புகழுடனமர்ந்த
ஜினாலயந்தன்னில் திகழ்வடபாலில்
முனாலையமர்ந்த முடிவிலாதுத்தமி
நித்யகல்யாணி நிரந்தரிவரந்தரும்
அத்தனடிதனை யனுதினம்பரவும்
மகிடவாகினி வந்தெனக்கார்க்குஞ்
சுகியேநிறைந்த ஜோதிரூபிணீ
மூலகாரணி முன்னிறுகார்க்குஞ்
சூலதாரணி சுரந்தகிருபாகரி
தராதலம்புகழுமென் தாயே வளர்க்கும்
பராசக்தியுந்தன் பதந்தனை தொழுது
இஷ்டமானவர்க்கு இஷ்டதேவதையாய்
துஷ்டமானவர்க்கு துஷ்டதேவதையாய்
ஓங்காரங்கொண்டு வுட்கும் ரூபமாய்
ஆங்காரத்துடன் அவர்களை யழிக்கும்
பஞ்சாக்ஷரத்தி பல்பூதப்ரேத
மஞ்சாப்பிசாச மதிபிர்மராக்ஷஸன்
மாடன்சடாமுனி மதுரைவீரனுஞ்
சாடும்பிடாரி சங்கிலிக்கருப்பும்
வீரமாகாளியும் விரிசடைபேச்சியுங்
காரங்கொண்டரி கரியகாடேரியும்
பதினெட்டாம்படி பயந்தருகருப்பும்
எதிரிட்ட பேரை யிடறுமிருளனும்
பெரியதம்பிரான் பலிகொளுந்துர்க்கை
யெரிதனைவீட்டி விடுகின்ற குறளியும்
பில்லிசூனியமும் பலயேவல் வைப்புங்
கொல்லும் வியாதி கொடிதான்
திஷ்டியுந்
துன்னுமனேக துஷ்ட தேவதையெலாஞ்
சின்னபின்னமாய் தெரிகடச்செய்யும்
வல்லபிஜ்வாலாமாலினி வா வா நமோ நமோ
ஒல்லையில் வா வா வுத்தமி நமோ
நமோ
ஞாலம் புகழும் நாயகி நமோ நமோ
பாலகன்றன்னைப் பாலி நமோ நமோ
மகிடநடன மணியே நமோ நமோ
சகந்தனில் விளங்குஞ் சத்தி நமோ நமோ
கண்ணாற்காண கண்மணி வா வா
விண்ணோற் புகழும் விஜயி வா வா
திக்குவேறில்லைத் தேவி வா வா
ஒக்கப்பேசு மொளியே வா வா
வாசாமகோசர மணியே வா வா
தேஜோமயமணிச் செல்வி வா வா
உரியவர்தமக்கு வொண்மதிச் சுடரே
அரியவர் தமக்கு அக்கினிச்சுடரே
ஓம் ர ர ர ர ர ர ஜ்வாலாமாலினி
வர வர வர வரந்தருந்தேவி நீ
ஓங்காரமாதி வொளிபெருமணியே
ஹிரீங்காரந் தன்னிலிருக்குமணியே
க்லீம்பென்பதற் கிளர்திருமணியே
ப்ளூம்யென்பதிற் புகழ்வளர்மணியே
த்ராம் யென்பதிற்றங்கியமணியே
த்ரீம் யென்பதிலமர்ந்த ஜினமத
வம்ஸ திருவறம் வளர்செய்மணியே
ஹாம் யென்பதிலமர்ந்த சிரோன்மணியே
தேம் துணரணிந்தசெல்வி மனோமணி
க்ரோம் யென்பதிற் கூடித்திருவற
த்ரோம் வஞ்சியரைத் துடைக்குமணியே
க்லீம் யென்பதிற்கிளர் ஜினவரத்துடன்
மலீமசமிலரை வாழ்விக்குமணியே
வஷட் வென்றதை மருவியுரைஸம்
வெளஷட் ஸுவாஹா வளமாய் நிறைந்த
ஷட்கோண சக்ரத்தமைந்த
பிஜாக்ஷரத்
துட்பொருள் நீயே யுலகெலாமறியும்
உனையே நினைத்து உன்மூலமந்திரம்
நினைவுடன் ஜபிக்க நிணதேவதையெலாம்
எரியிதெரியிதென் றேங்கியே யழுது
கரியிது கரியிது கருகுதுதேகம்
அம்மா அம்மா அறியோம் பெருமையை
எம்மாலறியத்தகுமா பிழைதனைக்
கொண்டு பொருத்திடு கொடிய சூலிநீ
என்றுவணங்கி யினியிரோமென்று
கண்ணிற்காணாமற் கதறியேயோடிடும்
எண்ணுமனுகாது வின்பமே தரும்
வல்லபியம்மாவாசையைப் பருவம்
எல்லாவர்காண யெழின்மிகச் செய்த
ஜ்வாலாமாலிணி சுபகரமளிக்கும்
மேலான தேவி மேவியுன்னடிதனை
சிரமிசைகொண்டு சிந்தித்த பேர்க்கருள் தரவேணு
மருகதாஸநின் சரணம்.
திருஅகவல் முற்றிற்று…
No comments:
Post a Comment